தற்போதைய செய்திகள்

தேர்தல் சட்டவிதிகளை மீறி செயற்பட்ட இரு வேட்பாளர்கள் உட்பட 109 பேரை பொலிஸார் கைது செய்துள்ளதாக பொலிஸ் ஊடகப்பிரிவு தெரிவித்துள்ளது.

இந்த நிலையில் தேர்தல் சட்டவிதிகளை மீறி செயற்படும் நபர்கள் தொடர்பில் பொலிஸார் பொலிஸ் ஊடகப்பிரிவு தெரிவிக்கையில்,

பாராளுமன்ற தேர்தலை எதிர்வரும் ஆகஷ்ட் மாதம் 5 ஆம் திகதி நடத்துவதற்காக தேர்தல்கள் ஆணைக்குழு தீர்மானித்துள்ளது.

இதனையடுத்து தற்போது பாராளுமன்ற தேர்தல் தொடர்பான சட்டவிதிகள் அமுல்படுத்தப்பட்டுள்ளதனால் , வேட்பாளர்களும், ஏனையோரும் அதற்கிணங்கவே செயற்பட வேண்டும் .

அவ்வாறு சட்டவிதியைமீறி செயற்படுவர்களுக்கு எதிராக பொலிஸார் சட்டநடவடிக்கை எடுப்பார்கள்.

இந்நிலையில் தேர்தல் முறைக்கேடு சம்பவங்கள் தொடர்பில் பொலிஸாருக்கு 85 முறைபாடுகள் கிடைக்கப் பெற்றுள்ளன.

அந்தவகையில் இன்று காலை 6 வரையில் இந்த விவகாரம் தொடர்பில் 109 சந்தேக நபர்கள் கைது செய்யப்பட்டுள்ளதுடன் , அவர்களுள் 107 பேர் கட்சிகளின் ஆதரவாளர்களும், இரு வேட்பாளர்களும் கைது செய்யப்பட்டுள்ளனர்.

இதன்போது 24 வாகனங்களை பெரிஸார் பறிமுதல் செய்துள்ளதுடன் சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றதாகவும் பொலிஸ் ஊடகப்பிரிவு தெரிவித்துள்ளது.

நாட்டில், இன்று மேலும் 02 பேருக்கு கொரோனா வைரஸ் தொற்று உறுதிசெய்யப்பட்டுள்ளதாக சுகாதார அமைச்சு தெரிவித்துள்ளது.

இன்றையதினம் இதுவரை கொரோனா தொற்றுக்குள்ளான 03 பேர் அடையாளம் காணப்பட்டுள்ளனர்.

கட்டாரில் இருந்து நாடு திரும்பிய இருவருக்கே இவ்வாறு கொரோனா தொற்று உறுதி செய்யப்பட்டுள்ளது.

இதற்கமைய நாட்டில் இதுவரை கொரோனா வைரஸ் தொற்று உறுதி செய்யப்பட்டுள்ளவர்களின் மொத்த எண்ணிக்கை 2,072ஆக அதிகரித்துள்ளது.
இதேவேளை, கொரோனா தொற்றுக்குள்ளான 1,885 பேர் குணமடைந்து வீடுதிரும்பியுள்ளனர்.

கொரோனா தொற்று நோயாளர்களில் 176 பேர் தொடர்ந்தும் நாடு முழுவதும் உள்ள 11 வைத்தியசாலைகளில் தங்கி சிகிச்சைபெற்று வருகின்றனர்.

இதேவேளை, 46 பேர் கொரோனா தொற்று சந்தேகத்தில் வைத்திய கண்காணிப்பில் வைக்கப்பட்டுள்ளதுடன் இலங்கையில் இதுவரை கொரோனா தொற்றுக்குள்ளான 11 பேர் உயிரிழந்துள்ளமை குறிப்பிடத்தக்கது.

நாட்டில் நேற்றைய தினம் 3 பேருக்கு கொவிட்-19 தொற்றுறுதியானது.

மடகஸ்காரில் இருந்து நாடு திரும்பிய நிலையில் தனிமைப்படுத்தப்பட்டிருந்த இருவருக்கும், மாலைதீவில் இருந்து நாடுதிரும்பிய நிலையில் தனிமைப்படுத்தப்பட்டிருந்த ஒருவருக்கும் நேற்று கொவிட்-19 தொற்றுறுதியானது.

இதற்கமைய, நாட்டில் இதுவரையில் கொவிட்-19 தொற்றுறதியானோரின் எண்ணிக்கை 2 ஆயிரத்து 69 ஆக அதிகரித்துள்ளது.

குணமடைந்தவர்களின் எண்ணிக்கை ஆயிரத்து 863 ஆக அதிகரித்துள்ளது.
இந்த நிலையில், 195 பேர் வைத்தியசாலைகளில் சிகிச்சைபெற்று வருகின்றனர்.

இதேவேளை, கொட்டாஞ்சேனை - ஜிந்துப்பிட்டி பகுதியில் கொரோனா வைரஸ் தொற்றுடைய ஒருவர் அடையாளம் காணப்பட்டதை அடுத்து. கடந்தக்காடு தனிமைப்படுத்தல் மையத்திற்கு அனுப்பிவைக்கப்பட்ட 154 பேரில், 50 பேருக்கு பி.சி.ஆர் பரிசோதனை மேற்கொள்ளப்பட்டுள்ளது.

இதற்கமைய, அவர்களுக்கு கொரோனா தொற்று இல்லை என்பது உறுதிப்படுத்தப்பட்டுள்ளது.

எவ்வாறிருப்பினும், அவர்கள் மேலும் இரண்டு வாரங்களுக்கு தனிமைப்படுத்தலுக்கு உட்படுத்தப்பட உள்ளதாக சுகாதார அமைச்சின் பேச்சாளர் ஒருவர் தெரிவித்துள்ளார்.

இதேவேளை, கொவிட்-19 காரணமாக தற்காலிகமாக இடைநிறுத்தப்பட்டிருந்த கோள் மண்டல காட்சிகள் எதிர்வரும் 7 ஆம் திகதி முதல் மீள ஆரம்பிக்கப்படவுள்ளது.

சமூக இடைவெளியை பேணுவதற்காக அனைத்து காட்சிகளிலும், வரையறுக்கப்பட்ட பார்வையாளர்களை மாத்திரமே பங்குகொள்ளச் செய்வதாக அரசாங்க தகவல் திணைக்களம் விடுத்துள்ள செய்திக் குறிப்பில் தெரிவிக்கப்பட்டுள்ளது.

நாட்டில் கொவிட் 19 வைரஸ் தொற்றுக்குள்ளான மேலும் 36 பேர் பூரண குணமடைந்து வைத்தியசாலையில் இருந்து வெளியேறியுள்ளதாக தேசிய தொற்று நோயியல் பிரிவு தெரிவித்துள்ளது.

அதன்படி, இதுவரையில் இலங்கையில் 1,863 தொற்றாளர்கள் பூரண குணமடைந்துள்ளமை குறிப்பிடத்தக்கது.

இதேவேளை, மேலும் 29 கடற்படை வீரர்கள் பூரணமாக குணமடைந்துள்ளதாக கடற்படை பேச்சாளர் தெரிவித்துள்ளார்.

அதன்படி, இதுவரை 877 கடற்படை வீரர்கள் பூரணமாக குணமடைந்துள்ளனர்.

நாட்டில் 2066 பேருக்கு கொரோனா வைரஸ் தொற்று உறுதிப்படுத்தப்பட்டுள்ள நிலையில் இவர்களில் 11 பேர் உயிரிழந்துள்ளமை குறிப்பிடத்தக்கது.

பள்ளிவாசல்களின் கொள்ளளவுக்கேற்ப சுகாதார அமைச்சின் பணிப்புரைக்கமைவாக 1 மீற்றர் இடைவெளியைப் பேணி கூட்டுத் தொழுகைகளை நடாத்தலாம் என தெரிவிக்கிறது முஸ்லிம் சமய பண்பாட்டலுவல்கள் திணைக்களம்.

இதன் பின்னணியில் பள்ளிவாசல்களில் காணப்படும் இட வசதிக்கேற்ப 1 மீற்றர் இடைவெளியுடன் எத்தனை பேரை உள்ளடக்க முடியுமோ அத்தனை பேருக்கு ஜமாத் தொழுகையில் இணைந்து கொள்ள முடியும் என திணைக்களத்தின் பணிப்பாளர் ஏ.பி.எம். அஷ்ரப் விளக்கமளித்துள்ளார்.

இதற்கு முன்னிருந்த எண்ணிக்கை கட்டுப்பாடு இத்தால் தளர்த்தப்படுவதாக சுட்டிக்காட்டப்பட்டுள்ளமை குறிப்பிடத்தக்கது.


பாடசாலைகள் ஆரம்பிக்கப்பட்டதும் பரீட்சைகள் நடைபெறும் தினம் தொடர்பான இறுதி முடிவு அடுத்த வாரம் அறிவிக்கப்பட உள்ளது.

கொழும்பில் அரசாங்க தகவல் திணைக்களத்தில் இன்று நடைபெற்ற அமைச்சரவை முடிவுகளை அறிவிக்கும் செய்தியாளர் சந்திப்பில் அமைச்சரவை இணைப்பேச்சாளரான அமைச்சர் பந்துல குணவர்தன இதனை கூறியுள்ளார்.

நேற்று நடைபெற்ற அமைச்சரவைக் கூட்டத்தில், ஜனாதிபதி, பிரதமர் ஆகியோர் கல்வியமைச்சர் டளஸ் அழகப்பெருமவுடன் இது தொடர்பாக விரிவாக கலந்துரையாடினர் எனவும் அவர் கூறியுள்ளார்.

இதனடிப்படையில், மாணவர்கள் பரீட்சைக்கு தயாராக தேவையான காலத்தை முகாமைத்துவம் செய்து பரீட்சைகளை நடத்த நடவடிக்கை எடுக்குமாறு, ஜனாதிபதி, கல்வியமைச்சருக்கு அறிவித்துள்ளார்.

இந்த அறிவிப்புக்கு அமைய அடுத்த வாரம் பரீட்சைகளை நடத்துவது தொடர்பாக இறுதி முடிவு எடுக்கப்படவுள்ளது.

அதேவேளை சுகாதார பரிந்துரைகளுக்கு அமைய பாலர் பாடசாலைகள் மற்றும் முதலாம், இரண்டாம் ஆண்டுகளில் பயிலும் மாணவர்கள் முகக்கவசங்களை அணிவது சிரமம் என்பதால், மாணவர்களின் உயிர் பாதுகாப்பு தொடர்பாக கூடிய கவனத்தை செலுத்தி, அனைத்து பாடசாலைகளையும் எதிர்வரும் ஆகஸ்ட் 10 ஆம் திகதி ஆரம்பிக்க தீர்மானிக்கப்பட்டுள்ளது எனவும் பந்துல குணவர்தன குறிப்பிட்டுள்ளார்.

பிள்ளைகளின் பாதுகாப்பு தொடர்பாக அதிகம் கவனத்தை செலுத்த வேண்டும் என்பதால், பிள்ளைகள் சம்பந்தமான எந்த தீர்மானங்களையும் அவசரப்பட்டு எடுக்கக் கூடாது எனவும் அமைச்சர் மேலும் கூறியுள்ளார்.

மின்சார கட்டணத்திற்கு நிவாரணம் வழங்குவதற்கான யோசனைகளை முன்வைக்க 4 பேர் அடங்கிய குழு ஒன்று நியமிக்கப்பட்டுள்ளது.

குறித்த குழுவின் அறிக்கை அடுத்த வாரம் முன்வைக்கப்பட உள்ளதாக விடயத்துடன் தொடர்புடைய அமைச்சர் மஹிந்த அமரவீர தெரிவித்துள்ளார்.

கொரோனா வைரஸ் தொற்றினால் ஊரடங்கு சட்டம் பிறப்பிக்கப்பட்டிருந்த கடந்த மார்ச், ஏப்ரல் மற்றும் மே மாதங்களுக்காக வழங்கப்பட்ட மின்சார கட்டணப் பட்டியல் தொடர்பாக ஏற்பட்டுள்ள சிக்கல் நிலைக்கு தீர்வு காண்பதற்காக குறித்த குழு நியமிக்கப்பட்டுள்ளது.

மின்சக்தி துறை அமைச்சின் மேலதிக செயலாளர் ஹேமந்த சமரகோன் அந்தக் குழுவின் தலைவராக செயற்பட உள்ளார்.

Author Name

Contact Form

Name

Email *

Message *

Powered by Blogger.